من غرامنا، ليكم
حكاية Bean Clothings ما هياش مجرد فكرة متاع بيوع وشرى، هي مشروع تولد وتخدم ببرشا حب وغرام بيني أنا والمدام. كل شي بدا من حاجة حسيناها في حياتنا اليومية: كنا ديما نلوّجو على دبش يواتي عمرنا، يعبّر على ستيلنا، ويخلينا مرتاحين. بكل صراحة، تعبنا من الـ 'Hype Fashion' والتراندات اللي تتبدل كل يوم، والتفاصيل زايدة اللي تعبّي العين. كنا نفركسو على البساطة، على الـ 'Essentials' الصحاح.
الكاليتي قبل كل شي (Honest Heritage)
على هذاكا قررنا نصنعو الدبش اللي كنا نحلمو باش نلقاوه. ركزنا على قماش قطن 'Heavy-Duty' كاليتي بريميوم ، مخدوم باش يقاوم ويعيش معاك. ألواننا رايضة (Neutrals)، وقصّتنا (Coupe) مريحة. و الأهم من هذا، أسوامنا واضحة وعادلة 365 يوم في العام، من غير تخفيضات وهمية ولا تلاعب.
التجربة والقدر: وداعا للكرذون (The Can)
فما حاجة أخرى كانت ديما تقلقنا كي نشريو دبش: لومبالاج. برشا مرات نحسو اللي طريقة التغليف ما تقدّرناش كحرفاء. في Bean، قررنا باش نحيّو الكرذون اللي يتطيش بعد 5 دقايق. الدبش متاعنا يوصلك في 'The Can'، حُكّة معدنية اندستريال طيارة، مصممة باش تعيش حياة ثانية. تنجم تردها محبس نوار، بورت ستيلو لبيروك، حصّالة، ولا حتى بوات ليزيبيس.
نادي Beans (The Recycled Beans Club)
نآمنو باللي الاستهلاك لازم يكون مسؤول. على هذاكا عملنا كلوب ما فيهوش كوارط بلاستيك ولا نقاط معقدة. كي توصلك الـ 'Can' وتعمللها حياة ثانية، هبّط تصويرتها على انستغرام وتاغينا بـ #RecycledBeans، وباش نبعثولك ديركت كود برومو بـ 15% للكوماند الجاية. وكي تشري من عندنا 3 مرات، تولي أوتوماتيكيا 'Heritage Member' وتتمتع بـ 10% تخفيض مدى الحياة.